稻坊 (曼坊) (已結業)

阿哥叫食飯, 話稻坊抵食, 於是我們四個人, 又去試下啦. 今次, 是食晚飯.今期稻香集團有新 promotion, 人人有乳鴿食, 送既. 無論你叫多叫少, 咩價錢, 每人都有半隻. 瘦鴿.的確, 乳鴿係炸得幾香口既, 不過真的好瘦, 肉真係少左d. 淨睇隻翼仔, 好似非洲D營養不良, 皮包骨既小朋友.沒有選套餐, 叫了一個龍躉兩味, 一個清蒸頭腩, 一個炒龍躉. 部長小姐話條龍躉啱啱"湯", 要等40分鐘. 反正一家人傾計, 等, 冇所謂啦. 點知, 兩份龍躉, 先後地, 隨著乳鴿, 一齊上. 肉只是少許. 夠食. 是晚四個餸, 最好食都係魚了. 龍躉夠新鮮夾口. 連皮, 厚肉. 感覺不錯. 駝鳥肉, 呢份就真的好細份. 兩三下, 已把所有駝鳥肉夾清. 只剩伴碟的青瓜. 留意到, 碟炒龍躉同駝鳥肉, 同樣以青瓜伴碟. 再留意下其他檯的小炒類食物. 都係青瓜伴碟. 貪佢夠平, 亦可利用青瓜, 把份量小的食品, 充大碟......好過飲茶DD啦, 再唔改進下, 美孚d人返返去富臨, 名樓了.