茴香 (已結業)

今日又同朋友一齊去食泰式西餐fusion菜，今次我地揀呢間餐廳的其中一個原因，當然係環境舒適和食物質素好啦！位於山林道的樓上餐廳，可望到西九龍夜景，一覽無遺盡收眼下，有別於平時的海景feel，好愜意！餐廳雖然唔係好大，勝在環境舒服，設計典雅風格，座位寬落。設計露台包場區，望住良辰美景下，適合一班朋友把酒暢談。服務態度細心，令人回味的的一餐。室內中央有個自助沙律吧，共有8款選擇，除左沙律菜、鮮果沙律、青木瓜沙律，當然唔少得海鮮凍蝦同南瓜沙律，都好好味👍，醬汁及配料款式多，可以滿足唔同朋友的口味需求，無限添加，非常之抵食。餐湯亦有傳統泰式冬蔭功湯，但我地就揀左椰子雞湯，椰子味濃郁，香甜可口，足料好飲。風味參巴醬煎三文魚配日本麵豉鮮菌意大利飯意大利飯軟硬適中，咬落煙韌，口感軟滑奶油香味重，配上香煎三文魚，菇味濃郁，麵豉味較淡，以新配傳統都幾新穎，誠意之選！黑松露鮮菌炒意粉配肉眼扒肉眼扒好Juicy，外層香煎，內軟腍多汁，少少調味或醬汁，已經好好味😋，配黑松露，一上台已經聞到陣陣香味，每一口意粉都夾帶著松露香，份量亦好足。