南昌冰室

營業中

休息中

最近疫情好似又嚴重左，晚餐都係外賣翻屋企食安全D，今日係第一次係汝州街南昌冰室落單，見到是日晚市套餐價都合理，決定一試。農家酸菜炒豬大腸 配X仔飯及例湯 $65例湯係豬骨紅蘿蔔湯，好清甜，無味精。酸菜炒豬大腸份量好多，白飯都出乎意料幾多。農家酸菜好惹味，另外仲有配菜洋葱同菜椒，幾豐富。不過豬大腸炒得有D過硬了，味道一般。另外呢個餐廳仲會配埋熱飲，如果凍飲就+$2。今次叫左熱奶茶，重奶味，好正，外賣返到屋企，保持到熱辣辣。