Ocio (積存街) (已結業)

公司附近其實好多嘢食，不過成日食嚟食去都係嗰幾間，食到有啲悶悶地，放工約朋友去附近試吓西餐，Dinner Set大約百幾蚊左右，唔算太貴。 入到去見到樓底都幾高，空間感足，侍應安排帶入座並遞上晚餐餐牌，我地2個人叫咗黑松露燴意大利飯配煙肉帶子串、安格斯牛柳配鵝肝（六成熟），餐湯係粟米忌廉湯，再配餐飲2杯。 黑松露燴意大利飯配煙肉帶子串有兩串煙肉帶子串，煎得香，食落煙肉脆口，帶子軟身，口感不錯！意大利飯不會有骨，黑松露帶出層次感。 安格斯牛柳配鵝肝（六成熟）牛柳生熟度剛剛好，有牛味又唔會太鞋；鵝肝煎得內脆外軟，如果能夠配上法包更好，不會顯得太油膩。