影片
更多
2021-10-01
222 瀏覽
放工約左朋友食呢間台灣菜，之前經過附近見過好多人排隊，但一直無機會試。呢到好近鰂魚涌地鐵站，距離出口只有幾分鐘路程。餐牌上好多都睇落好吸引，但因為想食清啲，最後叫左以下呢啲：皮蛋豆腐：唔錯既涼拌菜式，皮蛋唔會有怪味，豆腐一睇就知夠哂滑，加埋肉鬆同醬汁，一啲都唔會單調。金沙炒苦瓜：呢個我同朋友都讚不絕口，苦瓜唔會太苦，亦食得出厚肉多汁，配合埋鹹蛋黃去炒，蓋過苦瓜既寒性特質，亦令成碟苦瓜更惹味。櫻花蝦炒飯：櫻花蝦令成碟飯都好香，飯唔會炒得太乾身，配合埋少少蔬菜，感覺岩岩好，唔會太膩。另外呢碟飯份量夠哂多，最後食唔哂仲打包拎走，唔好浪費嘛。秋葵松板肉：秋葵不嬲都係賣飛佛，加埋靚肉去煮，好岩送飯。秋葵亦減低左肉既油膩感，而且十分爽口新鮮。
放工約左朋友食呢間台灣菜，之前經過附近見過好多人排隊，但一直無機會試。呢到好近鰂魚涌地鐵站，距離出口只有幾分鐘路程。
餐牌上好多都睇落好吸引，但因為想食清啲，最後叫左以下呢啲：
皮蛋豆腐：唔錯既涼拌菜式，皮蛋唔會有怪味，豆腐一睇就知夠哂滑，加埋肉鬆同醬汁，一啲都唔會單調。
金沙炒苦瓜：呢個我同朋友都讚不絕口，苦瓜唔會太苦，亦食得出厚肉多汁，配合埋鹹蛋黃去炒，蓋過苦瓜既寒性特質，亦令成碟苦瓜更惹味。
櫻花蝦炒飯：櫻花蝦令成碟飯都好香，飯唔會炒得太乾身，配合埋少少蔬菜，感覺岩岩好，唔會太膩。另外呢碟飯份量夠哂多，最後食唔哂仲打包拎走，唔好浪費嘛。
秋葵松板肉：秋葵不嬲都係賣飛佛，加埋靚肉去煮，好岩送飯。秋葵亦減低左肉既油膩感，而且十分爽口新鮮。
張貼
