興記咖啡室

營業中

休息中

朋友介紹呢間小店，出名食豬潤麵， 門口貼了雜誌及名人介紹。不過小弟唔喜歡食豬潤，所以叫咗鮮牛肉煎蛋麵及凍奶茶。見師傅逐碗好有心機慢慢煮，雖然客人只有三幾位，但都等了好一段時間先有得食。麵來了，湯底有些泡泡，小弟仲以為是鮮牛肉煮成的湯底， 點知吃了一口，的確有牛肉湯味，但公仔麵味粉的味更濃， 鮮牛肉都算合格，但無乜特別，煎蛋雖是即煎，但係蛋黃是煎到半生熟的唔合格荷包蛋，麵煮得唔錯。凍奶茶味道香滑，算幾好飲。不過此店早餐時段不提供套餐， 散叫接近$50的價錢都唔容易接受。