綠林三記甜品 (已結業)

今日喺朋友屋企食晚飯，天氣有少少凍，佢送我哋落樓下坐車，原本都諗住走㗎啦，但行過綠林三記，又想食埋糖水先。平日夜晚唔係話好多人，一行六人好快手落單，主要係食暖粒粒嘅糖水。合桃露加湯圓：合桃露嘅顏色都算正常，不過面頭好似泛左層油咁，唔知係咪煲過龍啊。合桃露嘅味道偏淡，冇乜合桃香。湯丸都係普通貨色。 芝麻糊拼杏仁糊：點左個雙拼，賣相好唔吸引，杏仁糊稀，好淡。芝麻糊相對較好依家要搵間好食嘅中式糖水店，真係有啲難呀。