友口馥 (已結業)

本身好鍾意食腸粉，見有報章介紹過，喺屋企附近點都要試下，但老實唔係好識欣賞呢類腸粉，所謂有個石磨但真係無米香味，質地係膠膠地，我都係鍾意茶樓或粥舖個類先有米香味。腸粉唔啱我口味，見佢間唔中會有綠豆沙，有次行過就試一次，過甜，而且佢係開芡整到佢杰身，口感好差，好多年前平價茶樓先會咁樣打芡...........另外亦食過不同味砵仔糕，見多數人食黑糖紅豆，但我覺得只係死甜，其實原味好啲啲，當然有人會唔鐘意原味覺得啲豆味好似有啲苦味。而芝麻又係無乜味，無豆感覺仲膠。最大問題係佢全部砵仔糕都唔軟熟，好硬膠，我喺街一食咁硬就唯有拎返屋企整熱佢睇下會唔會軟啲........總之覺得自己俾咁多次機會佢，最後自己中晒大伏，特登寫低提醒自己唔好再中伏。係個粥正常唔伏。