Vista

營業中

休息中

星期六日適宜chill 一chill，依家位於尖沙咀嘅餐廳景致十分開陽，適宜約埋一班朋友過嚟食個brunch，輕鬆傾吓偈。佢嗰日餐廳仲做緊優惠，大家可以去餐廳網頁了解一下。呢間餐廳brunch 套餐，有小食附送，每一道前菜同小食嘅質素都十分之高，有酒店餐廳嘅水準。呢度三文魚薄脆小食，賣相同味道都十分吸引同埋精緻。套餐十分多嘢食，以下影到嘅只係其中部份。呢個煙火腿肉拼盤，係一人份量。分量多到可以同朋友share食。手撕豬肉包燒烤醬同首詩豬肉嘅調味適中，唔會過鹹，唔好以為佢係主菜，其實佢都係小食同前菜嘅一部份。主菜有好多唔同嘅選擇，當日選咗牛扒， 牛扒生熟程度當然可以自己選擇，廚師係呢方面拿捏得10分出色。最後甜品方面，係會將咁多位朋友嘅甜品放上同一個大碟度，令到成個擺盤同埋賣相都10分吸引。適合打卡。而且，餐廳望向維港景色，所以成餐飯嘅景致都係10分開陽。每一個我服務員嘅態度都10分良好，真係好值得大家過嚟試吓。