星味坊烘焙專門店

營業中

休息中

之前經過幾次都排長龍，今日條隊無咁長，入去睇下有咩正野，成間鋪頭有好多唔同款既麵包、蛋糕同曲奇，即刻買招牌布甸蛋撻、花生冬甩同菠蘿包試下佢咩料！布甸蛋撻新鮮出爐，拎到返屋企仲熱辣辣，一咬落去個曲奇皮好鬆化同埋好香牛油味，蛋漿蛋味濃同埋好嫩滑，好似蒸水蛋咁既質地，但偏甜既，加返少少咸味中和返會好d，不過整體都好好，我呢個曲奇皮蛋撻fans鍾意食呀！蛋撻size好巨型，比普通蛋撻大一倍，食一個已經好滿足好飽。花生冬甩同菠蘿包都ok啦～ 無咩特別驚喜，所以無影相。