四季常餐 (德輔道中)

營業中

休息中

四季常餐係中環一間比較高質嘅茶記，Lunch time時段成日都要排長龍。.佢哋嘅午餐王牌係滑蛋叉燒飯，上枱時賣相唔錯，同廣告相差唔多。炒蛋火候控制得剛好，入口超滑溜，且富有濃郁蛋香，係我暫時食過最鍾意嘅炒蛋。叉燒厚薄同肥瘦都適中，燒得有焦香，飯底粒粒分明，索左蛋汁都唔會過濕或過淋，蔥花令到碟飯更香，係加分位，再配埋佢地自家製嘅甜豉油，撈飯食一流。