Cafeholic (已結業)

俾左信之後，就開始約緊啲同事食散水飯。今日落好大雨呀，本身想去食啊元來了，但係落大雨都勁多人排隊，於是就去左隔離街嘅cafeholic 度食嘢。等左一陣，就有得入左啦。我叫咗L1餐，蟹肉粟米菠菜忌廉長通粉（ $66 ），長通粉軟硬度煮得適中，菠菜、蜆肉、粟米配搭得剛剛好，而且醬汁收水收得恰到好處，長通粉條條都被醬汁包覆着。非常好食！同事叫咗日式咖喱豬扒蛋包飯（ $79 ），同事分咗少少比我食，佢嘅炸豬扒炸得黎肉質非常鬆軟，咖喱係日本嗰款，雖然我比較鍾意食印度咖喱多啲，但個味道亦都非常之唔錯，而個蛋呢，煎得剛剛好，唔會太老，配埋入邊嘅飽飯去食，實在非常惹味。呢會跟餐湯同埋餐飲嘅，雖然要加一但係我都覺得佢係一個幾唔錯嘅選擇，楚又坐得舒服而環境亦都幾靚嘅，算係牛頭角呢區質數之選。