三星台菜食堂 (新城市廣場一期) (已結業)

食過三星幾次，都覺得水準幾高，所以今次食飯就帶埋朋友一齊嚟食台式牛肉麵等左一陣就好快有位，職員都非常有禮貌咁招待我哋 落左單都冇5分鐘就有嘢食，廚房效率值得一讚首先一人叫一碗牛肉麵先我鍾意食牛筋同牛肚，所以叫咗三星面 湯底好濃郁，好香，未食麵就先忍唔住飲咗幾啖完全唔係味精湯咁嘅味，亦都冇口渴配料亦炆得非常入味，牛肉好淋，好好食 我揀咗粗麵，果然非常有咬口，煮得啱啱好全晚最驚喜反而係呢個甜品好似係新出嘅所以係第一次食一上菜第一下係覺得非常大碗！完全係三四個女仔食嘅份量。愛文芒果又多又大粒又甜，而鋪係底嘅刨冰就正正常常，有淡淡牛奶味。重點係價錢唔貴，有咁多芒果又咁大份量真係物超所值雖然佢話只可以坐一個鐘，但係其實如果冇客等嘅話係冇人會趕你走總括而言，呢間野真係幾高質，下次再嚟嘅時候要試吓其他野食先得！