霸王山莊 (已結業)

因為上月一個星期五晚我同幾個朋友晌荃灣分店等了足足一小時都等唔到位，由唔餓等到餓，焗住轉地方。嬲嬲地上星期五原班人馬特登約埋去灣仔店再試下係唔係真係好食成咁，要等咁耐位…唔知點解呢一次都係星期五既晚飯時間，晌灣仔店只係等了一張檯。先講環境，夠光裝修夠新，感覺不錯，只係有一檯十多人既食客唔知係唔係飲了酒high 了，講說話太大聲，呢個效應道至全間飯店都好嘈…所以幫襯酒家飯店，我個人最怕坐在大檯旁邊，因為通常佢地都會大聲對話。我地四個大男人一心諗住去食多少少野，加上我地都超大胃口，佢地小菜的份量又唔算大，所以點了超過十樣菜。基本上佢寫晒出黎話好食既我地都有叫，簡單講全部水準只係不過不失，當中水煮魚比較好食，龍井蝦仁太少龍井，又淡又太過濕，兩樣野之間無左口感上既對比。失望。松子魚又係唔夠乾身，外皮唔夠脆，香港好多酒樓既整法都係要keep 住原條魚身咁上，雖然賣相比較好但我個人覺得反而令魚肉太濕，十多年前第一次在國內食松子魚係用一塊塊魚柳整，每件都香口好多，十多年來在香港試了多間酒樓也難尋回當日既味道。整體印像係唔難食，但又未算非常好味，諗極唔明荃灣店果日點解會咁多人等位。標題我寫既"最好食果