留家廚房 (已結業)

攪到九點幾先食飯，原先諗住入大坑開飯，無咩頭緒，走左黎清風街，今日想吃的係中菜，呢到未食過，就試下如何。時間不早，已經無咩客。環境不錯的，跟同街幾間小廚唔同風格。九點幾，好肚餓，三個人，都叫了六款小菜，應該夠飽了。先黎係炸皮蛋子薑，酸辣既子薑薑過皮蛋味，加上個人對子薑興趣不大，不太對我胃口。另一樣小碟係九轉大腸，外皮脆脆地，很可口，大腸夠肥，食落有脂香，就算食多幾舊也不覺油膩，很不錯的大腸。推介的招牌燻雞，雞皮帶有淡淡煙燻味，好野。雞肉不太肥，食落帶點甜，很好的推介菜。亦要了另一款推介五味骨，個汁聞落似咖喱牛腩味，食落酸酸地，有點怪的汁，肉大舊，不過很腍的，不喜歡個汁，肉煮得好味的。肝膽相照即係鵝肝炒芥蘭，個醬好濃既內藏味，不過食唔出係鵝肝味，可能食鵝肝食得少，睇黎要食多d學下野。 最後的係牛柳粒，很入味的，不韌不乾身，肉汁多，水準不錯的。時間不早，最後一枱埋單，阻住人地收工，實在抱歉。食物不錯，滿意的一餐。