鳳城新鴻苑

營業中

休息中

今日本來諗住去灣仔近電車路果間南記食春卷小鍋米線，但行到街口就見有超長人龍在門外，唯有掉頭走；想食粉麵唯有去第二選擇～ 炸豬扒。行入玩具街十字路口就係我嘅目的地，一間成日都有人食嘅up dup小店。一個人有時揾位都快d, 啱啱有一位人兄走人。未坐底夥計已問我食乜，好趕 …熱辣辣蒜香炸豬扒，十年如一咁好入味又香脆，但價錢就加咗幾次；差不多十年前第一次食一件炸豬扒9蚊定10蚊，依家14蚊；豬扒烏冬第一次食係每碗13蚊，依家一碗25蚊。以前放工肚餓都試過就咁外賣塊炸豬扒住食。除了蒜香豬扒外，我會食佢地嘅魚片頭，好足料㗎；依碗片頭米25蚊，十年前係13蚊。以前咁啱屋企打邊爐，有時會走嚟外賣少許魚片頭回去打邊爐。