餃掂手工餃子雲吞專門店

一直都好鍾意食餃掂嘅餃子 材料新鮮 大大隻 又好食又夠飽今日喺灣仔換完身分證 即刻就行過去莊士敦道食餃子 以下就係我每次必食嘅一人餐推介首先當然食個辣涼皮開一開胃啦 又麻又辣 正呀！😍之後仲叫咗碟菜心 最近啲菜心成$40一斤 但係搞掂都冇加價 良心小店呀🥺🥺而重點餃子當然要一碟煎餃 一碟水餃啦！煎餃方面叫咗黑松露煎餃 最鍾意佢用矜貴嘅黑松露 配上新鮮嘅豬肉 帶出餃子嘅鮮味仲要皮脆多肉汁🥰🥰水餃方面叫咗鴛鴦水餃🥟 一款係椰菜豬肉水餃 另一款係雲耳豬肉餃有菜又有肉 夠晒健康！以上就係我嘅一人之選啦 大家有興趣都可以試吓～