Outback Steakhouse (尖沙咀中心) (已結業)

Outback作為連鎖店，食過幾間唔同分店，質素都差不多，環境都唔錯，舖頭大多都多座位，即使要排隊等，都唔會等好耐🙈牛扒今次因為係食lunch set所以價錢黎講更加抵食，大概$200左右就有一個set。因為係慶祝我既生日，所以就豪少少一人叫一份（平時我會兩個人食一份大既）🥰今次叫左兩款唔同既扒，小食方面同晚市唔同，就無咁多選擇，直接配薯條同沙律、忌廉湯，忌廉湯都幾香濃同好滑，薯條都算脆，係岩岩炸起既🤣扒就中規中矩，香牛味，但唔會太腍身，不過都算唔錯。不過最中意既，當然係個黑糖包，扒前扒後各一個兩個人share，一定要診熱食先有外脆內軟既感覺，配埋佢個牛油，簡直係勁香🤣