半熟工房 (已結業)

雖然我不是抹茶控，但為了緊貼潮流，都買嚟試下！今日8點幾去，原味芝士撻已經無曬，得返抹茶味($22)。人唔算多，但都要等，因為等出爐。呢度每個人限買6個，比bake少呢。呢個撻比bake 賣的芝士撻大，所以貴啲。到底芝士同抹茶夾唔夾？個人覺得OK啦~~~麻麻地夾。雖然我試唔到原味，但直覺話我知原味會好味啲。抹茶芝士撻雖然有抹茶的香味，外皮都算脆，咬落去，芝士幾creamy，入口夠滑，熱食，無流心效果，但芝士味都rich！食到淡淡的抹茶味，據說是用宇治抹茶，但我始終覺得兩者唔多夾∼同行的朋友（鍾意抹茶㗎）都話原味好啲呢。