賓墟冰室

營業中

休息中

邊個話港女唔食茶餐廳，我都可以好貼地㗎。通常禮拜六日呢high Tea之前，我都會食個早餐先，通常食屋企樓下嘅茶餐廳，但係今日呢就特登出咗去青衣食。周不時都會經過呢一間奔去餐廳，但個名呢就唔特別吸引我入去食，咁只不過突然心血來潮都要試吓啲新嘢嘅。咁就入咗去啦點知原來係驚喜呀。首先呢佢個餐呢都好平民價，好似四十零蚊就OK啦，最重要係佢呢份魚柳餐係勁大份囉，係我食過咁多間茶餐廳入邊最大，仲要係好Juicy好嫩口嘅魚柳，呢個價錢呢個份量真係冇得輸，然後我發現佢又係連鎖式有幾間分店嘅，唔知其他分店會唔會都係咁高質素呢。話說第二次食呢食埋個蕃茄通粉，個茄通都OK呀，湯底夠濃啦又有淡淡的蕃茄肉，食落口真係好有口感。