翠華冰廳 (已結業)

幾個禮拜前經過荃灣廣場，知道咗會開翠華冰廳，所以我都好期待想去試吓，前幾日我終於同朋友去咗試吓食呢間冰廳。由於係啱啱新開嘅關係，所以環境都好企理好乾淨，而且亦都唔係有太多人，所以我哋坐得好舒服。由門口行入嚟，已經見到有好多麵包同埋蛋撻。由於賣相好吸引，所以我哋都忍唔住叫咗兩隻蛋撻嚟食。佢哋嘅蛋撻嘅皮係酥皮嚟嘅，我係比較鍾意食酥皮多個曲奇皮，因為比較鬆化，佢呢個蛋撻都整得好鬆化，而且蛋香味好濃，又夠滑。我仲叫咗個火腿啖啖滑蛋治，已經幫我地切開咗做4份，分量亦都好足料，滑蛋好滑加埋啲火腿味道鹹鹹地，味道好配合。