甘味讚岐手打烏冬 (已結業)

偶然嘅機會入咗元朗， 掃左一輪街之後唔係好肚餓，於是行到咁上下去咗食甘味烏冬。係YoHo town 有好多餐廳， 可能呢間位置比較偏僻，所以到咗食飯時間都未算好多人，一去到就有位， 而且我哋貪佢食啲嘢比較light, 唔使下下都打邊爐或者好多肉。今次食咗個滑蛋蟹籽蟹柳烏冬黎到嘅時候湯唔算好多，不過就真係有好多滑蛋同洋蔥！ 中間仲有一大堆蟹子， 初時以為蟹柳即係平時食開嗰啲鱈場蟹棒 ， 點知原來唔係，係日式蟹柳嚟嘅， 同佢張相有啲出入，不過味道都好好， 而且比平時食嘅蟹棒更加有飽肚感同後感， 配搭埋脆卜卜嘅蟹子，感覺好有趣！ 唯一美中不足嘅係個鰹魚湯底比較清，好似冇乜味。