Mamaday Studio (已結業)

今日難得放假，我同朋友去左Mamaday Studio，Mamaday一共三層，每一個角落都係打卡位，樓梯兩旁全是彩虹塗鴉，二樓空間廣闊，而且擺滿各式各樣趣怪嘅裝飾，甚至有露台，非常寫意。- Latte 好一個中西合璧，將西式嘅latte倒入中式懷舊杯子內，貫徹餐廳創新嘅風格。latte既拉花好靚，口感厚滑。- 73.5% chocolate 朱古力非常香滑，入面既可可味比出面更濃郁，唔會一味死甜。- Brownie 口感比較結實，外皮有少少脆，入面有大大粒堅果，整體味道適中。- 柚子芝士蛋糕側面見到忌廉芝士拌入柚子粒，餅底用左餅乾碎，味道清新輕盈，甜酸適中。希望香港越黎越多呢類玩味十足嘅餐廳，為香港人枯燥乏味嘅生活增添一點點色彩。