影片
更多
2024-06-12
142 瀏覽
happy Friday又係食雞煲，然後我老公勁鍾意食烤魚，終於俾我哋搵到一間二合一嘅店，正呀喂👍😍 呢度個烤魚雞煲套餐，價錢真係親民到離晒地，講緊唔使$300人頭已經可以任食四款烤魚味道，講緊每款味道，叫一條都仲得嗰隻，So crazy！仲可以雞煲無限refill，呢度仲有豬手煲同埋牛尾煲，我諗真係要大胃王先至可以食晒咁多種味！不過呢度最長7小時任食，真係如果時間夠嘅話都可以試晒咁多款😂如果驚食唔晒咁多份量，樣樣都想試少少嘅話，呢度都可以選擇嗌半份雞煲或者半份牛尾煲等等，咁都幾好喎！我就食咗雞煲啦，呢度可以選擇要定唔要芫荽，我係芫荽控梗係要勁多芫荽啦！呢度採用BB雞，雞肉夠晒嫩滑，隻雞翼仔好鬼細隻，好得意，仲好好味㖭！而且雞肉好入味，麻辣又夠香，唔會係死辣嗰啲，完全唔似放題，相當有質素！四款烤魚味道之中，我哋揀咗香醬味，呢款味道係唔辣嘅，就係醬油湯底，然後有好多芫荽同芝麻，唔辣嘅話，可以更加食到魚肉嘅純粹。揀咗清江魚，魚大概斤零重，原來清江魚係咁滑咁好味，本身魚已經煎過再放湯，魚肉竟然可以好似豆腐花咁滑，超神奇又好味！湯底本身有豆卜同埋蓮藕，記得食埋，吸晒啲醬汁真係好入味！經過我哋反
呢度個烤魚雞煲套餐，價錢真係親民到離晒地，講緊唔使$300人頭已經可以任食四款烤魚味道，講緊每款味道，叫一條都仲得嗰隻，So crazy！仲可以雞煲無限refill，呢度仲有豬手煲同埋牛尾煲，我諗真係要大胃王先至可以食晒咁多種味！不過呢度最長7小時任食，真係如果時間夠嘅話都可以試晒咁多款😂如果驚食唔晒咁多份量，樣樣都想試少少嘅話，呢度都可以選擇嗌半份雞煲或者半份牛尾煲等等，咁都幾好喎！
我就食咗雞煲啦，呢度可以選擇要定唔要芫荽，我係芫荽控梗係要勁多芫荽啦！呢度採用BB雞，雞肉夠晒嫩滑，隻雞翼仔好鬼細隻，好得意，仲好好味㖭！而且雞肉好入味，麻辣又夠香，唔會係死辣嗰啲，完全唔似放題，相當有質素！
四款烤魚味道之中，我哋揀咗香醬味，呢款味道係唔辣嘅，就係醬油湯底，然後有好多芫荽同芝麻，唔辣嘅話，可以更加食到魚肉嘅純粹。揀咗清江魚，魚大概斤零重，原來清江魚係咁滑咁好味，本身魚已經煎過再放湯，魚肉竟然可以好似豆腐花咁滑，超神奇又好味！湯底本身有豆卜同埋蓮藕，記得食埋，吸晒啲醬汁真係好入味！經過我哋反轉成個煲，連啲魚骨都啜乾淨之後，發現已經差唔多飽咗😂
少少哋點咗一份牛板腱和豬頸肉，另外自助區可以自選多款丸類和蔬菜，肉類質素唔錯，蔬菜亦都好新鮮！
飲品方面都係任飲嘅，除咗有烏龍茶、檸檬茶嗰啲之外，重點推介呢款蘆薈菠蘿汁，出邊未見過，然後勁好飲，除咗非常清新菠蘿味之外，裏面勁多有粒粒蘆薈，唔太甜，飲起嚟非常涼爽！
張貼
