現代巴蜀麻辣米線 (已搬遷) 新店位置

近排唔知點解，成日好想去 d 少去既地方試新野。聽朋友推介現代巴蜀麻辣米線，就決定到紅磡走一趟。叫左碗微辣豬潤米線。微辣同唔辣相信差別不大，後來仲加左辣醬添 ~ 佢隻辣醬真係值得一讚﹗有豆板醬既鹹味但又有內地辣椒醬既麻麻地既味道，兩者既比例係 1:1，唔會有一種味道蓋過另外一種 ~ 好惹味﹗講返個湯底，老實講，味精都算重的，食完口乾。可是，佢用韮菜餚成，變左好香。因為佢冇落酸菜，所以佢會係偏甜的。而佢既牙菜係比較生，食落去係清甜的... 同埋佢比較爽口，同彈牙既米線可以話係絕配。至於豬潤.. 好足料，大塊同埋較厚 ~ 一碗裡面有 8-10 塊，仲要係大塊﹗而佢既豬潤都係新鮮的。雖然未及魚鱻的爽口和滑身，但亦是中上貨色。而佢既配料都唔錯，除左韮菜和芽菜，仲有腐皮... 正如下面所講，有 d 舖頭係要另叫的﹗送埋豆槳都係 $21 ，真係好抵食，會再黎食下午茶。