吞POT 雞煲火鍋.住家菜 (譽發廣場) (已結業)

早幾日好想食雞煲，做吓research之下就搵到吞pot。見到Menu都好多選擇，而且價錢都合理，所以就book咗枱琴晚食。我地叫咗辣酒花螺雞煲，第一次食呢個配搭，啲花螺好惹味又彈牙👍🏻同雞煲嘅調味加埋都好夾，鍾意呢個味😆配菜方面最推介真係呢個牛肉拼盤-牛三郞，一次過可以食晒三種牛肉不同部位嘅口感🤤我最鍾意就係牛柳粒，一口Size易食又肉味香濃，大滿足😌另外食雞煲之前都叫咗個生蝦做前菜小食😙估唔到有驚喜，份量多而且新鮮，絕對不比泰國餐廳差🥰下次都會試埋其他小食。整體來講我哋都食得好開心，好滿意，下次會再嚟食。