影片
更多
2017-11-08
1205 瀏覽
光顧呢間Coffee Shop 多年，除左食物質素好之外，亦貪佢無乜人夠隱祕，同人講去亞士厘道唔係飲酒而係飲咖啡，仲要響精品酒店三樓，幾次約Friend早到，坐定定send埋地圖釘俾佢地，佢地都係搵餐懵就知呢度幾隱祕。今時唔同往日，多人知道左尖沙咀繁華鬧市中有呢處秘點，都紛紛摸上去。對舖頭黎講當然係好事，由其舖頭內有幾位好有心去經營既年輕人，生意好正正係佢地心血既成果。平時好多時都係上去Lunch食個紅米飯，而家有少少怕人多，刻意等到1430上去Tea ,閒日既Tea Time 舖頭會比較少人，坐低左二話不說就同女人一人叫一份Tea set 既窩夫(香蕉味同原味)，每份$38包基本茶啡，特選咖啡就加幾蚊至十幾蚊。等左15分鐘(即叫即整係咁上下，Tea 得唔趕時間都無乜所謂)，窩夫夠熱夠鬆，份量亦適中，其實呢隻窩夫既Full set版我已經食過N次($68 double 份量加士多啤莉，全日供應)，今日唔肚餓先食Half set。女人飲左杯薑餅咖啡，痴左啖飲唔太甜幾啱口味，如果唔知飲乜咖啡好，你只需同店員講你既口味，佢就會用心介紹一隻match 口味既咖啡俾你。除左食物外，呢度仲有報紙(
今時唔同往日，多人知道左尖沙咀繁華鬧市中有呢處秘點，都紛紛摸上去。對舖頭黎講當然係好事，由其舖頭內有幾位好有心去經營既年輕人，生意好正正係佢地心血既成果。
平時好多時都係上去Lunch食個紅米飯，而家有少少怕人多，刻意等到1430上去Tea ,閒日既Tea Time 舖頭會比較少人，坐低左二話不說就同女人一人叫一份Tea set 既窩夫(香蕉味同原味)，每份$38包基本茶啡，特選咖啡就加幾蚊至十幾蚊。
等左15分鐘(即叫即整係咁上下，Tea 得唔趕時間都無乜所謂)，窩夫夠熱夠鬆，份量亦適中，其實呢隻窩夫既Full set版我已經食過N次($68 double 份量加士多啤莉，全日供應)，今日唔肚餓先食Half set。
女人飲左杯薑餅咖啡，痴左啖飲唔太甜幾啱口味，如果唔知飲乜咖啡好，你只需同店員講你既口味，佢就會用心介紹一隻match 口味既咖啡俾你。
除左食物外，呢度仲有報紙(經濟日報)雜誌，舖頭無乜人既Tea Time 我先會拎報紙睇(Lunch Time就免費事阻住人番枱)。一個悠閒既下午就無聲無色咁響呢度過左三分一。
薑餅咖啡
33 瀏覽
1 讚好
0 留言
原味窩夫
37 瀏覽
1 讚好
0 留言
香蕉窩夫
26 瀏覽
0 讚好
0 留言
張貼
