阿木台灣麵 (廣華街) (已結業)

阿木台灣麵真係好出名💛 有次平日中午去旺角就去碰下運氣，開頭我哋去咗豉油街分店拎飛先，原來可以喺the gulu個app到拎，發現要等10張飛，於是我哋又撳埋廣華街主店嘅飛，因為只要等5張飛，所以就即刻行咗過去廣華街主店食🤩等位時間比預期中短，而且食物上菜速度都算幾快～•🥢 午市套餐: 紅燒牛肉麵(片切) $58紅燒湯嘅味道好濃，而且充滿牛味🤤 飲嘅時候仲會見到有好多好細粒嘅肉碎喺入面～佢哋嘅牛肉係有4大片厚切嘅牛𦟌，煮到好淋好入味，而啲筋位仲淋到好似啫喱質感🤤 酸菜嘅酸味剛好，好好食，同個湯好夾😋麵比較幼身，口感尚算煙韌～•🥢 午市套餐: 肉燥拌麵便當 配炸排骨 $54對於呢個炸排骨真係好失望！炸排骨啲炸粉好厚 ，又炸得唔夠，所以炸皮唔脆又唔金黃，排骨嘅好乾好鞋，加上調味亦都唔夠，食落好淡😫肉燥拌麵嘅麵質比湯麵嘅黏，而且口感稍淋，不過肉燥夠味，亦唔算好油。•🥢 凍台式檸檬紅茶 (微糖少冰) +$4茶味好香好濃郁，係台式珍奶嘅紅茶底😋同檸檬好夾～•🥢 凍冬瓜茶 (微糖少冰) +$4冬瓜味淡淡地，叫咗微甜唔算甜。