Macky's (已結業)

Lunch由士丹利街行上擺花街，行前少少斜路corner位置，店舖面積唔算大，兩點左右到達最舒適，因為過咗午飯時候，但要留意店舖三點會落場，今日叫咗一個芫荽漢堡，本人唔特別喜歡食芫荽，新鮮芫荽及特別調教的芫荽醬入口味道好清新，好適合咁熱嘅七月，卡邦尼意粉唔多醬汁，意粉煙靭有質感，芝士味濃郁好味😋英式早餐茶一整壺放低充實滿足，試埋店主推介嘅盆栽造型薄荷葉伯爵茶奶凍，侍應特別指引將薄荷葉撕碎混入奶凍一同入口，果然清新無比，仲有正宗法國咖啡燉蛋布甸，我唔知法國口味是否真的與長者嘅軟餐相似😂但味道係唔錯嘅，但質感有保留。