南島

營業中

休息中

之前經過，一直無試過，今日過黎試下。餐廳落地玻璃窗，通透明亮，坐得尚算舒適。來到星馬泰餐廳，點返個肉骨茶金沙骨，肉骨茶有藥材味，偏淡了一點，我個人鍾意濃郁一啲，但是正因為藥材味淡啲，就適合小朋友的口味了，金沙骨軟淋入味，唔痴牙。小食拼盤，蝦餅，串燒，春卷，蓮藕餅都有齊，每款都唔錯，香口惹味。金邊粉份量可以，用料足，配有辣椒粉，白砂糖，花生碎，微辣，味道不錯。香茅炸鱸魚配青木瓜沙律，鱸魚去骨，不油膩，青木瓜沙律唔知點解我好似食到是生洋蔥的感覺肉碎包生菜，味道好清新，肉碎加了香茅，好泰國的感覺。