好叉好味 (多寶樓) (已結業)

係灣仔試過一次焦蜜叉燒菜飯熱辣辣都幾好味。於是今晚就幫襯屋企附近呢間，叫左一個三人餐，有一個焦蜜雞扒，一個焦蜜叉燒，一個柚子叉燒，兩個點心拼盤- 拼盤有墨魚丸，蝦角同薯波！點知好大反差，飯唔熱既，叉燒又好多肥膏，成個飯底都係豉油好鹹！點心拼盤又唔熱。仲要去店鋪拎時，見到職員將飯擺落微波爐叮熱，職員態度又差，好大力將個外賣拎俾客人！ 價錢唔算平，一個飯都差唔多60蚊但野食質素唔成正比。希望之後會改善質素同職員態度！