一汁一菜 (朗豪坊) (已結業)

餐廳係商場地庫，經過過好多次，覺得餐廳設計好開揚，小清新系列，今日就去試下食午餐。我揀左湯加咖哩$89，我揀左法式龍蝦湯同濃香牛肉野菌飯。龍蝦湯真係好濃郁，啖啖都係鮮甜龍蝦味，入面有四五粒龍蝦肉，湯係比較杰身，好足料。個咖哩飯都幾香，係日式咖哩，比較甜身果種，吾太辣。牛肉都有四五舊，不過牛肉就比較鞋身，可能煮耐左，野菌都吾太多。個飯係日本米，都幾好食。除左飯，原來仲可以轉沙律 or 麵包，可以輕食。環境係坐得幾舒服，有樹果d設計好似大自然的感覺。