影片
更多
2022-10-06
164 瀏覽
今晚同朋友來慶祝，呢間餐廳的意大利菜有家庭風味，價錢貼地又份量大，服務好食物又好味，好岩飯聚同慶祝食飯。酥炸魷魚圈 $128味道好有驚喜，魷魚圈好鮮嫩，軟綿帶點彈牙，薄薄的炸衣香口唔膩，加上大量香料、辣粉.....所以特別香辣惹味，沾埋秘製醬料，食到千島醬再加d辣味同甜味，令味道更豐富，配酒也很合適。巴馬火腿芝士佛卡夏薄餅 $208即製真係好熱辣辣好香，薄餅烤得好靚，邊位香脆，有麵粉香且餅底的焦香脆口質感很好味，蕃茄醬濃郁配拉絲芝士，味道已經好正宗好正，加上巴馬火腿咸鮮提味，配微甘苦帶香味的火箭菜，味道好夾。意式香辣烤雞 $298賣相誘人，原隻烤雞上碟，好岩同朋友分享。烤雞用不同香料醃製再烤焗，有陣陣迷迭香味，雞皮又香又薄少脂肪，雞腿肉更加係嫩滑多汁又有彈性，連雞胸都好嫩且唔乾無渣。味道唔會過份重，咸度適中微微辣，配菜的洋蔥好甜好多汁。提拉米蘇 Tiramisu $78外觀精緻好看，感覺都幾大杯，share食岩岩好，有微微的奶香、朱古力味、咖啡同餅....特別在有一層係朱古力味，更添香甜味道，咖啡味唔會好重，底層的餅吸左較多咖啡，食完唔膩仲好sweet滿足。我地點左signatures
今晚同朋友來慶祝，呢間餐廳的意大利菜有家庭風味，價錢貼地又份量大，服務好食物又好味，好岩飯聚同慶祝食飯。
酥炸魷魚圈 $128
味道好有驚喜，魷魚圈好鮮嫩，軟綿帶點彈牙，薄薄的炸衣香口唔膩，加上大量香料、辣粉.....所以特別香辣惹味，沾埋秘製醬料，食到千島醬再加d辣味同甜味，令味道更豐富，配酒也很合適。
巴馬火腿芝士佛卡夏薄餅 $208
即製真係好熱辣辣好香，薄餅烤得好靚，邊位香脆，有麵粉香且餅底的焦香脆口質感很好味，蕃茄醬濃郁配拉絲芝士，味道已經好正宗好正，加上巴馬火腿咸鮮提味，配微甘苦帶香味的火箭菜，味道好夾。
意式香辣烤雞 $298
賣相誘人，原隻烤雞上碟，好岩同朋友分享。烤雞用不同香料醃製再烤焗，有陣陣迷迭香味，雞皮又香又薄少脂肪，雞腿肉更加係嫩滑多汁又有彈性，連雞胸都好嫩且唔乾無渣。味道唔會過份重，咸度適中微微辣，配菜的洋蔥好甜好多汁。
提拉米蘇 Tiramisu $78
外觀精緻好看，感覺都幾大杯，share食岩岩好，有微微的奶香、朱古力味、咖啡同餅....特別在有一層係朱古力味，更添香甜味道，咖啡味唔會好重，底層的餅吸左較多咖啡，食完唔膩仲好sweet滿足。
我地點左signatures mocktail，感覺高雅顏色好美。
summertime magic
用芒果漿、乳酪、荔枝糖漿、青檸汁、菠蘿汁....調成的無酒精雞尾酒，味道清甜帶果香，有點似芒果布甸的味，微酸帶甜好有夏日感覺。
朋友個杯酸酸甜甜都好好飲。
張貼
