瀛豐放題料理專門店 (已搬遷) 新店位置

姑姐生日🥳佢話呢個季節最想我帶佢去食大閘蟹！上網見到瀛豐放題料理專門店除咗有得任食大閘蟹之外，仲可以任食生蠔、海膽帶子⋯⋯大閘蟹有三兩半至四兩重，放題都可以食到呢種質素，真係非常收貨！除咗好新鮮之外，每一隻仲爆膏，金黃色嘅蟹膏好鮮甜！來自法國嘅生蠔，每一隻都好大大隻好飽滿，好食到姑姐食咗兩盤呀！融雪融得好好嘅帶子夾住好多海膽，海膽一啲都唔苦，夾埋帶子一齊食更鮮甜！超正！除咗以上幾款超回本嘅海鮮之外，仲有大量刺身、魚生可以揀，全部厚切好肥美呀！放題當然唔少得有天婦羅等等炸物、串燒、燒海鮮、最特別嘅係呢度有埋小炒食！女人有第二個胃食甜品，雪糕、雪條都有好多款揀🤓飲品方面仲有得任飲1664啤酒🍻姑姐食完非常滿意，仲話今餐勁豪啊！老人家開心🤩我就開心😚瀛豐放題料理專門店 (銅鑼灣)銅鑼灣駱克道491-499號京都廣場10樓