影片
更多
2016-06-19
1651 瀏覽
夜晚原先約左個FD出黎旺角食飯，點知佢臨做左機師= =，放左我飛機，咁我唯有行多陣街自己一個人搵野食啦。經過女人街見到有間門面幾靚就入去試下啦！入去到環境好光猛，裝修都幾清新，同姐姐講左一個人，但因為個時唔係太多人，佢就比左個四人卡位我坐，坐落先發現個四人卡位好大，如果女仔黎嘅話坐６個都唔係問題！睇睇下餐牌發現左有樣好ＳＯ嘅野，淨係係facebook度like佢地個page+簽到，之後upload張食物相就可以係三個小食入面免費揀一個送！！！但係我發現有個問題，就係要叫左野食先有相影－０－，唯有轉頭先啦。咁我就係一個比較三心兩意嘅人啦，望住張餐牌好耐都唔知食咩好，忽然見到有一part自選，啱晒！最後叫左個芝士汁雞扒焗飯($50)+開邊虎蝦($8)+脆皮腸($8)，再+8蚊轉左杯巨峰梳打特飲。另外，因為見到小食menu個到實左太抵啦，2個小食加是日甜品先$24，平衡每樣野先8蚊！忍唔住跟手叫左個三重奏拼盤，要左個牛肉芝士漢堡同黑咖哩雞中翼。等左幾分鐘，首先黎左個三重奏拼盤❤❤❤，今日個甜品係有三粒Chocolate Brownies❤，個漢堡好得意，上面插住支英國旗仔，隔離有三隻超多咖哩
入去到環境好光猛，裝修都幾清新，同姐姐講左一個人，但因為個時唔係太多人，佢就比左個四人卡位我坐，坐落先發現個四人卡位好大，如果女仔黎嘅話坐６個都唔係問題！
睇睇下餐牌發現左有樣好ＳＯ嘅野，淨係係facebook度like佢地個page+簽到，之後upload張食物相就可以係三個小食入面免費揀一個送！！！
但係我發現有個問題，就係要叫左野食先有相影－０－，唯有轉頭先啦。咁我就係一個比較三心兩意嘅人啦，望住張餐牌好耐都唔知食咩好，忽然見到有一part自選，啱晒！
最後叫左個芝士汁雞扒焗飯($50)+開邊虎蝦($8)+脆皮腸($8)，再+8蚊轉左杯巨峰梳打特飲。另外，因為見到小食menu個到實左太抵啦，2個小食加是日甜品先$24，平衡每樣野先8蚊！忍唔住跟手叫左個三重奏拼盤，要左個牛肉芝士漢堡同黑咖哩雞中翼。
三重奏拼盤
$24
27 瀏覽
0 讚好
0 留言
即刻食粒Brownie先，入口超濃朱古力味，唔太苦，口感棉密，有朱古力粒咬口，味道有小小似麥提沙，好味。
再吉隻雞翼黎食，唔太熱，食落黑咖哩好香好入味，原來Ｄ到嘅黑咖哩香得黎又唔辣，秒速清晒三隻雞翼。
最後食個牛肉漢堡，望落塊包比Ｍ記個Ｄ細左一圈，但係疊得幾高，舊牛肉又厚好多。
我一向鐘意一層層咁拆開個包黎食，首先食左個頂包先，原來Ｄ到Ｄ出品好有心機，連個包都塗過牛油烘左先，入口有陣奶香同白芝麻味，加埋小小酸菜幾好食！
跟住將舊牛肉漢堡同幾片芝士一野啪晒入口，～超～多～汁～，夾埋D芝士勁好食，一D都冇揸流攤。講真，M記最平個包都10蚊啦，D到8蚊就食到，仲要好食咁多，真係超抵！！！
因為太正關係，我極速清左個三重奏=0= 。
蒜蓉包
23 瀏覽
0 讚好
0 留言
巨峰提子蜂蜜分子料理梳打
$8
52 瀏覽
0 讚好
0 留言
自選雞扒
$66
39 瀏覽
1 讚好
0 留言
自選雞扒
$66
48 瀏覽
0 讚好
0 留言
飯底黎講，其實我就好怕個D炒到好乾嘅飯黎做焗底，因為如果個飯本身都已經乾嘅時候，再焗一焗咁就多謝晒，會乾到勁難吞，今次D間就唔錯，唔太乾又唔會話好濕，岩岩好。
最後食左咁多野，飽到上心口咁樣，埋單都係around $100蚊，我覺得都算抵食，下次可以同FD黎試試。
張貼
