HABO室內釣蝦場

營業中

休息中

第一次去呢啲釣蝦場，比想像中有趣，新蒲崗呢間釣蝦場面積好大，座位都好闊落，坐得幾舒服，交通方面由於好近地鐵站，所以都幾方便～由於第一次釣蝦，員工會準備好釣蝦的工具，然後好仔細細心咁講解，將蝦米勾入鈎，之後慢慢耐心等候，有動靜就輕輕用手碗力chok 一下，等蝦鈎勾實隻蝦～蝦場的數量都豐富，見周邊的人都好快有收穫！！釣完蝦後，要食番自己努力既成果，有幾款煮法，最後簡左呢款秘製蒜香醬油蝦。賣相超吸引，將大頭蝦堆到成座山咁，秘製醬油掛滿每隻蝦，再灑上白芝麻，重點仲要熱辣辣出哂煙，蝦頭超多膏，蝦肉咬落幾爽幾彈，搭配呢款秘製醬油，整體味道都幾match，推薦！