新竹源越南餐廳

營業中

休息中

今日去開灣仔趕時間，見這間餐廳入面坐得都算舒服，就入左去食，餐牌的選擇都多，店員都主動推介左幾種越式名菜，包括越式三撈檬、法式肝醬豬頸肉三文治，咁係店員推介下我同朋友叫左個相對冇咁乾的新竹源火車頭（二人份）、腍肉米紙卷同埋法式牛油雞翼，朋友仲叫左杯滴漏咖啡。我同朋友都覺得火車頭最值得叫，河粉多，雖然有啲碎，餸的份量好足料，重點係湯底食唔出好多味精，飲落係鮮甜的；個米紙卷就酸酸地，唔算好辣，絕對係開胃之選；而滴漏咖啡雖然唔係好有茶味，但唔會太甜，煉奶的份量啱啱好；不過個雞翼就比較失色，雖然唔會太肥膩，但食得出冇乜雞味，而且牛油味都唔重。