愛吃家常便飯 (已結業)

今日天氣又曬又熱，中午唔想行甘遠去到銅鑼灣食lunch，諗住同同事係公司附近是但食算。行到喜記附近, 見到以前食開烤魚的餐廳 (好似叫做汀汀魚?) 改左名做 "家常便飯"，門口放左個牌寫住有幾款特色家常小菜，反正唔想再搵，於是就建議同事一齊試下呢一間新餐廳。入門口見到裡面的擺設好似幾特別，公雞碗同杯，又用好似報紙甘既枱紙，可能想營造係屋企食飯既感覺掛。是日的午餐有蒸魚、雞旦、排骨等，我同同事share個蒸魚同蝦仁炒旦，另加左一碟油菜。飯有得揀紅米飯同白飯，貪靚既我梗係揀紅米啦!點完菜之後，侍應送上兩碗無味精的是日例湯，原來今日係椰子煲竹絲雞。用料幾足，但係份量好似少左D。等左一陣，鼓汁蒸黃立倉，蝦仁炒旦同個清菜已到。估唔到個蒸魚甘好味 (平時中午我都成日叫蒸魚，不過食黎食去都係鯇魚)，蝦仁炒旦味道尚可，可能係條魚同個炒菜個味較重，唔駛落味精既蝦仁炒旦相對味道較啖。最後侍應話有糖水送，今日係花生露，但係由於食得太飽，最後只係望住個同事食。見到張枱紙原來餐廳既主打係隻雞，下次人多D夜晚收工會同屋企人黎試下。整體黎講，餐廳既感覺就好似返到屋企食飯甘，但係同謝菲道前面間"住家菜"又有D唔同，多