一寿司 (已結業)

十月三日, 放咗學, 老公話同我去食《一壽司》,其實老公個幾月前已經約咗我, 話生日時請我嚟呢度食噃餐,咁梗係好啦! 我都不知幾想嚟食呀!因為呢度都算新鮮, 份量又足, 但係十點後又有半價, 可以揀啲貴嘢嚟食嘛~由於放學後都已經十點幾, 去到門口攞飛已經係 10:26pm 啦!最後等咗一個鐘先有位 (預咗), 等位時已經落定晒單, 因為開始等到好肚餓嘛~好采佢又上菜上得勁快手, 証明呢度既老闆好識做生意, 快啲上菜, 啲客快啲食完, 又可以做多轉!今次唔咁詳細介紹, 大家睇圖啦!後面單一件既係長腳蟹棒, 原來係刺生嚟架, 都幾甜。呢個「初吻」上次食過翻尋味, 正!本來一直都冇諗住叫刺生, 但由於我哋坐正刺生盆吧檯前, 見到勁多人落單, 又一樣有半價, 就算已經飽飽都決定一試, 結果揀咗呢款有三文魚、巨甜蝦同凡立貝既刺生拼盆 ($55), 嘩! 真係冇落錯單, 啲凡立貝好甜, 啲巨甜蝦連頭食更加鮮更加甜, 好正呀!!有心機有時間嚟等位食佢個半價時段確係超抵食呢!!更詳細資料及圖片請看 : http://hk.myblog.yahoo.com/joycewai616/article?m