36
6
2
等級4
442
0
有心的咖啡
2008-07-04 102 瀏覽
食到飽飽就開工,點知今日好順,一陣間已經攪掂個客,唔想返公司住,揾個地方hea吓,飲番杯咖啡都好,於是又開始美食之旅.真係比openrice 個地圖玩殘,又話近東京街,其實近北河街口,對住個紅綠灯,编輯大佬唔該執番正佢.行到身水身汗,本來想飲凍嘢但係要飲好嘅咖啡,始终都係熱嘅好,要咗杯藍山都只係$18,又飲過咁平嘅藍山,正在想究竟真定假?事頭婆就開始磨咖啡,鋪仔細細但又似模似樣,見有排等就叫件芝士餅,唔係好大件,食落又唔錯,肯定無文華咁正但係己經fight低晒一般大集團嘅餅店,好滑好有芝士味,真係想問佢係咪自已做.跟著咖啡就到,上檯時已經無晒泡,聞一聞香味唔算好濃,飲一啖,好滑,係一杯有心的咖啡.同樣係藍山,UCC賣$80而呢度賣$18,味道其實差唔多,真係睇唔出,一間鋪仔都有咁靚嘅咖啡,真係唔到你唔服.
更多
食到飽飽就開工,點知今日好順,一陣間已經攪掂個客,唔想返公司住,揾個地方hea吓,飲番杯咖啡都好,於是又開始美食之旅.
真係比openrice 個地圖玩殘,又話近東京街,其實近北河街口,對住個紅綠灯,编輯大佬唔該執番正佢.
行到身水身汗,本來想飲凍嘢但係要飲好嘅咖啡,始终都係熱嘅好,要咗杯藍山都只係$18,又飲過咁平嘅藍山,正在想究竟真定假?事頭婆就開始磨咖啡,鋪仔細細但又似模似樣,見有排等就叫件芝士餅,唔係好大件,食落又唔錯,肯定無文華咁正但係己經fight低晒一般大集團嘅餅店,好滑好有芝士味,真係想問佢係咪自已做.跟著咖啡就到,上檯時已經無晒泡,聞一聞香味唔算好濃,飲一啖,好滑,係一杯有心的咖啡.
同樣係藍山,UCC賣$80而呢度賣$18,味道其實差唔多,真係睇唔出,一間鋪仔都有咁靚嘅咖啡,真係唔到你唔服.
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
人均消費
$28 (其他)
推介美食
  • 藍山咖啡
  • 芝士餅