Forever 友緣西餐 (已結業)

係元朗要搵一間有情調的西餐，真係十隻手指內數得晒。今次朋友升職要請食飯，所以帶我去到 Forever 友緣西餐食晚飯。餐廳就係千色廣場附近，行完商場就去食嘢，位置十分方便。餐廳環境有情調，採用高級吊燈，燈光光線柔和，配上古典的音樂，加添幾分浪漫氣氛，可惜對面的人不是男朋友。Menu主打西餐，有二人套餐、也可散叫前菜、主菜、手作麵等，應有盡有。我們點了兩個主菜，一個湯，和一個小食。黑松露野菌忌廉湯 $58個湯好creamy，濃濃的黑松露味配上野菌茸，令整體增加口感，用蒜香多士點嚟食真係一流。芝士蟹肉焗大啡茹 $68呢個前菜睇落好細份，但係足夠兩個人作開胃前菜。芝士蟹肉呢個配撘幾好，芝士唔會遮蓋蟹肉既鮮味，值得一讚。烤虎蝦龍蝦汁面 $168整體最突出是它的龍蝦汁，龍蝦醬汁呈橙色帶點鮮甜味道，用來撈意粉食一流。虎蝦肉好彈牙帶點結實，而且鮮味十足。慢煮U.S.A牛肋骨 $228之前食過好多慢煮既菜式，我就覺得呢個慢煮牛肋骨無乜特別之處，不過不失。牛肋骨唔會韌，用慢煮方式烹調令肉質嫩滑！不過份量就比較少，唔係幾抵食。總括嚟講，呢間西餐廳既食物質素不錯而且服務員的態度又不錯，下次一於同男朋友嚟。