影片
更多
2023-07-08
960 瀏覽
呢間意大利餐廳有三層餐廳嘅裝潢好有情調(๑´ڡ`๑)環境氣氛都好舒適套餐超抵食‼️食到多款食物好適合情侶約會或朋友聚餐🔸𝐒𝐡𝐚𝐫𝐢𝐧𝐠 𝐒𝐞𝐭 𝐌𝐞𝐧𝐮 $𝟒𝟔𝟖/𝐩𝐞𝐫𝐬𝐨𝐧-𝐒𝐦𝐚𝐥𝐥 𝐏𝐥𝐚𝐭𝐞𝐬-დ 風味煮蜆啲蜆好大隻好新鮮，全部開哂口，食落啖啖肉完全無沙。餐廳用咗白酒、忌廉同煙燻辣椒去做個醬汁，食落辣辣哋好過癮。დ 北海道帶子配菠蘿、柚子及龍鬚菜帶子薄切成片，賣相好特別。食落好鮮甜，連埋鋪喺面嘅菠蘿、柚子同埋龍鬚菜一齊食個效果又幾好。-𝐏𝐚𝐬𝐭𝐚-დ 波士頓龍蝦扁麵條（+$15）上菜時見到大大個龍蝦頭做擺盤，相當有霸氣。龍蝦好新鮮，肉質好實正彈牙，蝦肉好鮮甜。醬汁以蕃茄為主烹調而成，再加上蟹籽，食落好有層次。დ 海鮮扁麵條呢道意粉相當足料，每一啖都食到海鮮。餐廳用咗大蝦、魷魚、蕃茄去烹調，個汁十分出色，味道香濃，仲要每條麵條都掛到汁。-𝐌𝐚𝐢𝐧-დ 脆皮鱗片魚佢嘅擺盤相當精緻，魚嘅賣相好吸睛。魚鱗炸到好香脆，但同時魚肉就好嫩滑，食落口感好豐富。加埋蕃茄汁甜甜哋十分惹哋。დ 美國頂級USDA Prime西冷扒配薯菜牛扒都幾大塊，有成8OZ，熟度就揀咗medium。牛扒煎得好靚，切
餐廳嘅裝潢好有情調(๑´ڡ`๑)
環境氣氛都好舒適
套餐超抵食‼️食到多款食物
好適合情侶約會或朋友聚餐
🔸𝐒𝐡𝐚𝐫𝐢𝐧𝐠 𝐒𝐞𝐭 𝐌𝐞𝐧𝐮 $𝟒𝟔𝟖/𝐩𝐞𝐫𝐬𝐨𝐧
-𝐒𝐦𝐚𝐥𝐥 𝐏𝐥𝐚𝐭𝐞𝐬-
დ 風味煮蜆
啲蜆好大隻好新鮮，全部開哂口，食落啖啖肉完全無沙。餐廳用咗白酒、忌廉同煙燻辣椒去做個醬汁，食落辣辣哋好過癮。
დ 北海道帶子配菠蘿、柚子及龍鬚菜
帶子薄切成片，賣相好特別。食落好鮮甜，連埋鋪喺面嘅菠蘿、柚子同埋龍鬚菜一齊食個效果又幾好。
-𝐏𝐚𝐬𝐭𝐚-
დ 波士頓龍蝦扁麵條（+$15）
上菜時見到大大個龍蝦頭做擺盤，相當有霸氣。龍蝦好新鮮，肉質好實正彈牙，蝦肉好鮮甜。醬汁以蕃茄為主烹調而成，再加上蟹籽，食落好有層次。
დ 海鮮扁麵條
呢道意粉相當足料，每一啖都食到海鮮。餐廳用咗大蝦、魷魚、蕃茄去烹調，個汁十分出色，味道香濃，仲要每條麵條都掛到汁。
-𝐌𝐚𝐢𝐧-
დ 脆皮鱗片魚
佢嘅擺盤相當精緻，魚嘅賣相好吸睛。魚鱗炸到好香脆，但同時魚肉就好嫩滑，食落口感好豐富。加埋蕃茄汁甜甜哋十分惹哋。
დ 美國頂級USDA Prime西冷扒配薯菜
牛扒都幾大塊，有成8OZ，熟度就揀咗medium。牛扒煎得好靚，切開肉質粉嫩，牛味香濃。仲有薯菜沙律伴碟，非常豐富。
-𝐃𝐞𝐬𝐬𝐞𝐫𝐭-
დ 𝐓𝐢𝐫𝐚𝐦𝐢𝐬𝐮
唔會超濃酒味，Mascarpone Cheese入口非常軟滑，係食意大利菜必點嘅甜品。
დ 秘製豆腐奶凍
好有食緊豆腐嘅感覺，但比豆腐更滑！面層仲有黑糖，甜甜地非常唔錯。
張貼
