影片
更多
2019-09-12
853 瀏覽
民康勁平經常排長龍，價廉物美快靚正大大份益街坊，以最抵價錢，提供有質素的食物，讓貧苦大眾醫飽肚，值得表揚！老闆叔叔真好，不設最低銷費、不設最少份量，就算十幾蚊都有得食，平到離譜嚇一嚇呢！真心會等到發呆，所以想快的話多數去發記食。可能食慣發記超濃味湯底及勁辣辣汁，如果食民康硬覺得淡茂茂呢！堅係全城最平最抵食質素滿意的車仔麵，良心麵店平靚正益街方，抵您日日排長龍！ 您條紫色綣毛胖婦傻那左？四個大媽大爸坐張六位圓檯嘈我話：您唔係坐依度呀？點坐得落架！您條友就霸兩張櫈放袋，心諗您估您真好能肥呀！您估我真係好想坐您隔離咩，全場滿座無位坐，發神經！我講多次唔該，胖婦黑面極不情願地攬返個袋讓張櫈出黎。成間麵檔男男女女聽住睇住，知道自己衰那左，即刻加速倒晒碗米粉落肚，急急帶住米芝連肚腩逃跑，完全敗走從另方向奪門而出逃離現場！我繼續斯斯然嘆埋碗米線，都費事動氣，浪費精力同依類福佳嘈！最衰開放式舖面，無冷氣就有點熱，高溫車仔麵 ﹗開放式舖面加開放式廚房，實在太熱要加來罐冰凍可樂降降溫先得。大熱天時食住熱騰騰湯麵加埋大辣咖哩，汗珠一串串，邊食邊滴邊抺汗，水長流燒脂最佳！隔離位四眼肥叔叔真好人好有愛，見我食到
真心會等到發呆，所以想快的話多數去發記食。可能食慣發記超濃味湯底及勁辣辣汁，如果食民康硬覺得淡茂茂呢！堅係全城最平最抵食質素滿意的車仔麵，良心麵店平靚正益街方，抵您日日排長龍！
您條紫色綣毛胖婦傻那左？四個大媽大爸坐張六位圓檯嘈我話：您唔係坐依度呀？點坐得落架！您條友就霸兩張櫈放袋，心諗您估您真好能肥呀！您估我真係好想坐您隔離咩，全場滿座無位坐，發神經！我講多次唔該，胖婦黑面極不情願地攬返個袋讓張櫈出黎。成間麵檔男男女女聽住睇住，知道自己衰那左，即刻加速倒晒碗米粉落肚，急急帶住米芝連肚腩逃跑，完全敗走從另方向奪門而出逃離現場！我繼續斯斯然嘆埋碗米線，都費事動氣，浪費精力同依類福佳嘈！
最衰開放式舖面，無冷氣就有點熱，高溫車仔麵 ﹗開放式舖面加開放式廚房，實在太熱要加來罐冰凍可樂降降溫先得。大熱天時食住熱騰騰湯麵加埋大辣咖哩，汗珠一串串，邊食邊滴邊抺汗，水長流燒脂最佳！隔離位四眼肥叔叔真好人好有愛，見我食到滿頭大汗，汗珠一串串滴出黎，主動拿張包紙巾給我抺汗，無言感激，非常滾動﹗香港還有人情味。食飽飽匆匆離開，忘記了銀包啊 ﹗半小時後才醒覺即時折返，幸好叔叔嬸嬸們發現到有幫我保管好乍，感激不盡，真係十分驚險啊﹗
碗仔翅，混醬最開心，但無辣椒油，有點失望。深啡色的湯汁不通透不明亮未見特別吸引，其貌不揚，但味道蠻不錯。濃濃肉香肉甜突出，再來醬油的味道，只是質地有點過厚，清一點更舒服。
生菜魚肉湯，花生油味好強勁，使得味道混濁不舒服。清湯底淡茂茂，魚肉硬實麵粉味嗆，無魚味無魚味，只有陰沉的咸咸味道，如果可以自己調味就更好咯。
牛柏葉豬紅雞中翼鴛鴦多辣加腩汁，咖哩沙嗲味辣汁就算如何多辣都能夠應付，所以特別地撈埋辣椒醬一齊，效果蠻不錯噃。幼麵嚥韌、河粉滑溜，熱辣辣配埋辣汁辣椒醬啜啜啜，無投訴好味道﹗牛柏葉輕灼不老非常爽口，索汁一流。
豬紅牛腩鴛鴦多辣加腩汁，豬紅煮理得宜，熱騰騰浸得味濃爆汁，香甜無腥嗅，彈滑結實。牛腩首次不再遇到牛腩碎，竟然原粒牛腩，老闆的恩賜，可遇不可求！特濃滷水染得腩肉啡黑，鬆化無渣黏著羶味脂肪。嬸嬸只將河粉溫柔地淥淥，還未烚開成束地獻上給我，當腸粉食嗎？
牛肚龍蝦條蘿蔔莜麵多辣加腩汁，龍蝦條，餐牌寫住？但叔叔叫蝦卷喎，都無所謂既，明就可以啦。結實似魚蛋，微弱咸香蝦味，沒怎樣的特別。蘿蔔爽爽的，白烚無味充滿水份，不過有渣呢！莜麵，雖然外觀真係有點油，但不是真的叫油麵呢﹗趙茖油潤香口微彈滑嘟嘟，掛著大辣咖哩湯興奮惹味。其實我年青時極討厭食莜麵架，只係間中客串一下。
魷魚豬紅魚腐雞中翼鴛鴦多辣加腩汁，首次幫襯民康魚腐，只不過係腐皮包住魚肉乍喎，太普通咯。魚腐有著咸香及嚥韌外皮，包著嫩彈多汁的白肉，索埋辣湯無得頂好好味啊。嬸嬸烚到河粉碎濕濕腍劈劈極度失望，唯有用羹食啦！
腸仔牛柏葉蘿蔔幼麵多辣加腩汁，老闆敊叔會細心地將腸仔及牛栢葉剪細方便進食，貼心服務！但嬸嬸不會架呢。微烚結實的原味腸，無怪味無異味無過咸，合格可以的。幼麵質地夠爽夠廷，有咬口有嚼勁，加埋辣汁大愛！
豬紅牛腩雞中翼幼麵多辣加腩汁，嬸嬸太孤寒啊 ﹗我要食大辣架，落得少少辣汁完全唔夠，您還是擔心我頂唔緊呢？我係辣仔黎，請放心。咖哩辣汁不足，唯有勁落史拉差辣椒醬，蒜香酸酸辣辣另有一翻風味。
雞中翼豬紅牛肚鴛鴦多辣加腩汁，河粉略略灼過，結實而且依然一梳梳未散開，當腸粉食嗎？幼麵保持高質，微爽嚥韌，硬度合格。咖哩汁雖然無大埔萬利那種誇張的激辣程度，但足夠使我不停冒汗！
雞中翼豬紅豬皮鴛鴦少湯多辣，嬸嬸再次將河粉同幼麵一齊烚，好驚呢 ﹗好采河粉不太爛，仍可以用筷子夾得到，不過同幼麵打晒交既賣相並不討好。幼麵嚥韌河粉綿滑，撈埋中辣咖哩汁屬，刺激美味﹗豬皮索盡辣汁，超濃咖哩味，少少爽少少軟少少滑。
豬皮豬紅魷魚幼麵少湯多辣加腩汁，咖哩汁比以前更香辣更有深度，出汗指數提升多倍，辣到滴汗！沒有輕煙飄盪，看似不熱但食落燙嘴，最好的溫度﹗幼麵捲住勁辣咖哩豬皮豬紅水魷一齊嘆，開心幸福啊！
紅腸雞中翼韮菜餃鴛鴦多辣加腩汁，紅腸厚薄適中，雖然炸得有點乾硬，還有一絲甜美肉汁。韮菜餃超級爽甜，餡料極多無手軟無孤寒，包得脹卜卜近乎爆破邊緣。嬸嬸每次都烚到河粉溶溶地輕微散碎，風格獨特﹗其實因為湯太高溫，烚得太耐。以後真係要記住如果河粉由嬸嬸煮理就唔好點喇，次次散碎腍爛，夾都夾唔到！
魷魚雞腳雞中翼鴛鴦多辣加腩汁，炆雞腳滑溜勁膠勁黏勁爽彈，炆得出色可以添食。水魷依舊一點味道也沒有，是否浸水太耐呢？爽彈卜卜脆，沾鮮辣汁浸浸湯添點味道。雞中翼雞皮滑溜，霉肉邊緣一啜骨肉分離，豉油味超強好鬼咸喎！豬紅豬腸魚皮餃莜麵多辣加腩汁，豬腸十分肥美，腸內還保有大量嫩滑絨毛，油脂甘香可口。魚皮餃，嚥韌魚味濃，咸鮮沒腥味，魚汁欲滴。
魚腐豆卜雞中翼菜芯幼麵少湯多辣加腩汁，豆卜必須食得格外留神，一不小心就好易燙傷嘴仔啊﹗像海棉一樣盡力吸收辣湯，變得笨重脹卜卜，整粒掉入，從裡面爆開，香口嚥韌，豪氣暢快。菜芯無菜甜味，不鮮嫩爽，粗糙帶青味水味。白菜貢丸豬皮豬腸莜麵少湯多辣加腩汁，白菜雖然不甜，醒在夠爽索索聲，無苦無澀味。貢丸罕有地內外熱燙燙，連個心都係暖笠笠唔會凍冰冰架﹗爽爽嚥韌淡淡的，過得去唔難食。
牛丸魚蛋雞中翼西洋菜米線少湯多辣加腩汁，牛丸充滿黑椒辛辣味道，香口微爽好味道﹗魚蛋假爽帶甜帶咸︳不腥平凡免免強強。西洋菜翠綠吸引，勁爽脆勁鮮嫩，菜汁爆發香甜無比。米線嚥韌彈滑，無腍劈劈無段實實，拖著勁辣汁刺激美味無得頂﹗墨魚丸冬菇雞翼尖河粉少湯多辣加腩汁，墨魚丸出乎意料非常高質，彈牙結實仲有嚥韌味濃墨魚肉添呀﹗冬菇超巨大，我都係較喜歡細細的的骰骰的。蠔油味清香不過咸不濕濁，一舊滑彈滑，另一舊爽嫩，兩種口感。
雞翼尖滑嘟嘟，肥味不是瘦猛猛，滷水完全滲透，大力一啜連肉連汁全收肚裡去，方便快捷。依碗河粉不得了，十年難得一遇的世界級水平，高質到無輪﹗白滑熱辣辣完整不散不斷，掛上濃厚腩汁咖哩湯香辣無比，不用再添加辣油辣醬已非常惹味開胃，啜得非常幸福。魷魚牛肚豆卜粗麵少湯多辣加腩汁，紙條粗麵沒任何蛋香蛋味，好采還有香辣咖哩汁點綴一下。牛肚白雪雪無味，不會是白烚麻？爽爽的無滷肚。
韮菜魚腐豆卜幼麵少湯多辣加腩汁，嬸嬸給我大量韮菜真客氣，菜多麵少怪怪的，帶甜不苦澀，鮮爽沒有渣，心滿意足。極爽幼麵混上激辣沙嗲，掛起清甜湯汁，真的好味到使我淘醉欲眠。龍蝦條韮菜餃鴛鴦少湯多辣加腩汁，再次遇上河粉散碎，腍劈劈斷到一節節，美食只可靠運氣？河粉碎到腍到要用羹食超討厭，食鴛鴦唯有目的係幼麵夾住河粉大啖一齊啜，散箕箕根本無可能喇。
豬紅豬腸幼麵多辣加腩汁，滾燙燙的湯汁夠暖身，大啖大啖連湯吸啜，溫度剛剛燙嘴最好味道，不似得後面的發記麵家般湯汁微溫靜蠅蠅。極幼的麵條大愛，掛湯力非常強勁，辣汁被拖著街到舌尖上，咖哩味夠辣夠刺激，額頭微微冒汗。半爽半腍的幼麵捲著彈滑肥美的豬腸，食得更開胃暢快！
碗仔翅
13 瀏覽
0 讚好
0 留言
生菜魚肉湯
39 瀏覽
0 讚好
0 留言
牛柏葉豬紅雞中翼鴛鴦
19 瀏覽
0 讚好
0 留言
紅牛腩鴛鴦
10 瀏覽
0 讚好
0 留言
牛肚龍蝦條蘿蔔莜麵
8 瀏覽
0 讚好
0 留言
魷魚豬紅魚腐雞中翼鴛鴦
6 瀏覽
0 讚好
0 留言
腸仔牛柏葉蘿蔔幼麵
16 瀏覽
0 讚好
0 留言
雞中翼豬紅牛肚鴛鴦
8 瀏覽
0 讚好
0 留言
豬皮豬紅魷魚幼麵
7 瀏覽
0 讚好
0 留言
紅腸雞中翼韮菜餃鴛鴦
7 瀏覽
0 讚好
0 留言
紅腸雞中翼韮菜餃鴛鴦
4 瀏覽
0 讚好
0 留言
紅腸魷魚牛肚鴛鴦
3 瀏覽
0 讚好
0 留言
紅腸魷魚牛肚鴛鴦
8 瀏覽
0 讚好
0 留言
紅腸魷魚牛肚鴛鴦
4 瀏覽
0 讚好
0 留言
豬紅豬皮魚腐莜麵
6 瀏覽
0 讚好
0 留言
豆卜龍蝦條雞中翼粗麵
10 瀏覽
0 讚好
0 留言
魚腐豆卜雞中翼菜芯幼麵
4 瀏覽
0 讚好
0 留言
魚腐豆卜雞中翼菜芯幼麵
6 瀏覽
0 讚好
0 留言
白菜貢丸豬皮豬腸莜麵
9 瀏覽
0 讚好
0 留言
牛丸魚蛋雞中翼西洋菜米線
6 瀏覽
0 讚好
0 留言
墨魚丸冬菇雞翼尖河粉
18 瀏覽
0 讚好
0 留言
韮菜豬紅魚皮餃幼麵
5 瀏覽
0 讚好
0 留言
魷魚牛肚豆卜粗麵
6 瀏覽
0 讚好
0 留言
蘿蔔豬紅幼麵少湯
12 瀏覽
0 讚好
0 留言
韮菜魚腐豆卜幼麵
4 瀏覽
0 讚好
0 留言
韮菜魚腐豆卜幼麵
15 瀏覽
0 讚好
0 留言
龍蝦條韮菜餃鴛鴦
9 瀏覽
0 讚好
0 留言
龍蝦條韮菜餃鴛鴦
14 瀏覽
0 讚好
0 留言
龍蝦條韮菜餃鴛鴦
12 瀏覽
0 讚好
0 留言
豬紅豬腸幼麵
9 瀏覽
0 讚好
0 留言
張貼
