影片
更多
2024-08-26
317 瀏覽
今次嚟到喺上環嘅daap同朋友慶祝生日，上網做過research知道餐廳位置唔多，所以都有book定位先！上環地鐵站出嚟5分鐘內已經到到，位置都好方便👍🏼 朋友係路痴都搵到😂 入到去waitress 即刻叫得出我嘅名而且安排我哋入座，好好服務。因為係朋友生日嘅關係就交俾佢發辦啦🤣 呢度晚市係set menu, 我哋咩都想試所以就叫咗唔同菜式一齊share😌第一道前菜我哋叫咗臘肉九菜花豬油凍多士 配魚子醬同埋 北海道带子烏冬 配 魚子醬及髮菜柚子醋啫喱！其實都上菜之前我哋都唔係好expect到係會咩樣🤣主廚上菜嗰陣都會同我哋講解道菜係用咩材料同埋方式去煮，呢樣好加分👍🏼 佢推薦朋友將塊多士配上豬油凍一齊食，令口感更加豐富，朋友都覺得呢道菜好特別，比較少食到呢隻味👀 而我就特別鍾意個髮菜柚子醋啫喱，食落去係非常解膩清爽，係完美嘅一個前菜！食完第一道前菜就已經急不及待食第二度前菜啦🤣我哋兩個都揀咗烤栗子湯配洋肚菌湯，想講呢個湯簡直係全晚嘅mvp，極！度！鮮！甜！ 唔該大家一定要嗌呢碗湯，真係要試過先知點解咁推薦🙂↕️ 我聽到有其他熟客講，因為呢個湯所以成日都會嚟🙂↕️ 加埋塊toast得啱啱
第一道前菜我哋叫咗臘肉九菜花豬油凍多士 配魚子醬同埋 北海道带子烏冬 配 魚子醬及髮菜柚子醋啫喱！其實都上菜之前我哋都唔係好expect到係會咩樣🤣主廚上菜嗰陣都會同我哋講解道菜係用咩材料同埋方式去煮，呢樣好加分👍🏼 佢推薦朋友將塊多士配上豬油凍一齊食，令口感更加豐富，朋友都覺得呢道菜好特別，比較少食到呢隻味👀 而我就特別鍾意個髮菜柚子醋啫喱，食落去係非常解膩清爽，係完美嘅一個前菜！
食完第一道前菜就已經急不及待食第二度前菜啦🤣我哋兩個都揀咗烤栗子湯配洋肚菌湯，想講呢個湯簡直係全晚嘅mvp，極！度！鮮！甜！ 唔該大家一定要嗌呢碗湯，真係要試過先知點解咁推薦🙂↕️ 我聽到有其他熟客講，因為呢個湯所以成日都會嚟🙂↕️ 加埋塊toast得啱啱好嘅包dip落個湯入面，只可以講係100分🙏🏼
本身冇諗住叫，但係主廚主動推薦 花膠配泰式酪乳紅油醬，由好有驚喜wor！由擺盤到味道都好滿意👍🏼個泰式醬有少少辣味，朋友雖然唔係好食得辣但係話好過癮🤣加上花膠本身好掛汁，成件事啱啱好！
main course方面，首先我地叫嘅係臘腸卡邦尼手工意粉。 請大家睇吓啲🔥🔥🔥， 食飯睇埋performance, 滿意到10/10🤣 主廚話蛋意粉係佢哋新鮮手工整嘅，加埋臘腸整個汁出嚟好中西合璧🤣 呢道菜我都好鍾意！
本身鍾意食燒賣嘅我又點可以唔叫返個西班牙紅蝦燒賣呢🤣 我諗係我人生入邊食過最高級最有口感嘅燒賣，咬落去勁多肉汁同埋龍蝦，真心冇得輸囉！🦞
最後又點少得甜品呢！本身朋友已經mark實咗自家制酸種菠蘿包 配伯爵茶雪糕，上菜嗰陣就係想像中嘅模樣，但食落絕對更加驚喜。 唔知個伯爵茶雪糕係咪自己整嘅，好濃郁，配埋菠蘿包簡直係幻想中嘅組合，呢個都係必食！
朋友都好滿意呢餐生日飯，下次可以encore試埋其他菜式！👍🏼
張貼
