Kim's Spoon (已結業)

本身想食年糕，見到係韓國餐廳就入左去。入到黎見到得一張午市精選既menu，就問店員有冇其他menu，店員話哩個時段係得哩張不過都唔緊要啦，入到黎聽到啲店員講韓文，應該唔會伏既。仲要有任食泡菜一坐落黎，就放左碟前菜落黎，個豆卜都幾好食，但豆角就正常，似平時煮既咁過左冇耐，跟餐野飲就黎左我揀左紅棗茶，我媽咪就揀左生薑茶。紅棗茶甜甜地、算係有紅棗味。而生薑茶好夠薑，唔係得個名。我個人就中意紅棗茶多啲。雞肉炒韓式粉絲黎先。睇相可能唔覺，但係雞肉量好多！啲雞肉整得唔錯，係嫩既。冇雞皮，啱曬我哩啲驚油膩既人雞肉雖然冇皮，但係表面煎到金黃，我媽咪都讚粉絲就正常啦，始終係炒既，慢慢都會覺得油，如果唔油既話，成件事就完美啦！冇睇個粉絲好似唔多咁，食完真係飽到上心口好啦，我個牛肉石鍋飯到啦！佢有唔同配菜，好豐富。牛肉份量都好多撈勻個飯果陣發出吱吱聲，好正！個底仲有飯焦添！每啖飯都有好多配菜，芽菜、紅蘿蔔、脆肉瓜絲、木耳絲等，口感好豐富。加埋牛肉同啲牛肉汁，成件事好滿足唔知係咪佢改良過，更加適合香港人口味，我覺得哩個飯仲好食過我係韓國食既石鍋飯同樣，連食量唔細既我食完都覺得好飽，份量十足，一啲都唔姑寒哩個l