Wheatfield X 羅宋湯專門店 (屯門市廣場1期) (裝修中)

出到去屯門市中心，今日要自己搵食，平時都經過見到呢間羅宋湯專門店，都想試好耐，今日終於可以試吓啦！好，坐低睇吓有咩好食先。叫咗個一人精選套餐，有羅宋湯、主食同埋飲品。牛腩羅宋湯，羅宋湯應該是主角吧！個湯好足料，而且湯底比起出面嘅杰身一啲。牛腩味、蕃茄味、紅蘿蔔味好岀。鹽燒牛舌粒糖芯飯，有好多粒牛舌幾抵食，粒粒肉厚，牛舌煎香配上鹽和黑椒，仲有一整隻糖心蛋。麥田薯仔沙律，見到可以加配小食，呢個薯仔沙律好吸引，薯仔夠粉，裏面仲有紅蘿蔔，加上蛋黃醬，唔錯！叫咗熱蜂蜜生薑茶，唔太甜有薑味，暖下先。