浦井韓食居酒屋 (已結業)

出糧後，食餐好既獎勵自己。同同事happy friday 食好西。呢間餐廳非常多選擇，我地驚眼闊肚窄，每個種類簡一款。浦井沙律-menu 圖係一個一人份ge 大小，我地都係諗住過下口癮，上抬時原來好大份，係一盤，四個人分到一人一碗，好多料有蕃茄沙律菜等，飯前食呢個夠哂健康。上牛烤-上抬時以為份量唔太，因為佢d 肉擺得好集中，當我地睇下有咩種類時，發現夾極都有！本身切得適中，燒起來都好快熟而家有咬口 好軟滑好入味，每種肉都食到2-3件，絕對做到樣樣試到又唔會太飽。炸雞 原味 蜜糖醬-由於大家都想試多d 口味，決定叫mix, 個人推介蜜糖味，係honey mustard,勁惹味，同炸雞勁夾，加上炸得香脆，肉質好嫩滑，食唔停呀。Apple cider-呢款係平時超市個隻。芒果&蜜桃&菠蘿沙冰-好大杯，果香味濃，唔太甜，呢餐咁濃味都夠飲。梨大炸醬麵-韓式炸醬麵真係幾時都滿分，好濃味但唔會過咸，麵質剛好，食起上尼有咬口。可可控-係綠茶waffle,waffle 仲熱辣辣的，配雪糕好夾。雪糕牛角酥-好特別用牛角酥-但出奇地夾，大家一致好評！大家都決定下個月再來食，太多想食ge 野仲未食到。