馬哥孛羅咖啡廳

未食之前睇食評，以為會好差，去到原來都唔錯喎。生蠔味道不錯，有點海水味，肉質尚算新鮮，每人每次兩隻，但不是太多人排隊，只是開蠔師傅不太熟手，常有碎殻。飲品包括自己任沖的檬茶，檬水，罐裝芒果汁，罐裝蘆筍汁，小朋友盒裝蘋果汁，提子汁等，都是任飲，尤其檬茶的茶味仲十分不錯。蟹腳是最驚喜，很鮮甜，有海水味，龍蝦也不錯，只是供應量較少。海南雞飯相當出色，乳豬亦很好味，皮十分脆。甜品竟然有馬仔，好好味，雪糕口味也算多，十分滿意。生果就比較少種類，只有蜜瓜，哈蜜瓜和西瓜，只有哈蜜瓜甜的，其他一般。仲有妹妹送扭汔球，小朋友都很開心。