燒洒一族 (啟田商場) (已結業)

平時醉雞食得多，見到呢間既餸菜都幾有新意！有酒醉薰蹄、酒醉豬手粒等等，好吸引，就買d番屋企加料！ 叫左個大既德式豬手，份量都幾多，而且撞岩新鮮出爐！佢附有個芥末醬，同平時食開個種唔同，似加左蜜糖，甜甜地，估唔到又幾夾。醉雞就唔少得啦，食下先知同其他鋪既分別，雞同個汁分開，幾貼心，比你番到屋企先倒出黎。酒味剛好，雞塊多而且好有肉，真材實料！另外都叫左個薰蹄，啖啖肉！仲有個沙薑豬耳！好爽脆！送酒一流！下次仲想試埋雞中翼添！