鮪世市場 (已結業)

大西北人難得黎到將軍澳，我一盡地主之誼，帶佢食鮪世市場。小妹之前食過呢間餐廳2次，今次係第三次。假日4點幾到底有無落場呢？原來係無架!好開心，唔洗等位🥰下午茶份量就叫左每人一個鰻魚手卷，足料，d飯暖，但好食。三文魚壽司件魚生長度係飯既一倍，見到都可心。八爪魚壽司係有質感，唔厚唔薄。火炙三文魚就痴線地好食，嗰種omega 3放入口又有飯中和既感覺係難以形容。壓軸係漏單既吞拿魚組合葱粒係我至愛，搶左黎食先。之後中間2件我無食，最尾嗰件，我決定讓俾佢食，佢竟然唔好意思，爭持下一人一半，件魚生居然輕易分得開。我已經知道呢件壽司不得了!果不其然，旅客一放入口，嘩左聲。然後話:我明點解咁貴啦！(4件吞拿魚好似$125)埋單後，我弱弱問:下次有機會，可唔可以再食?“可以既”心中開了一朵花